熱門標籤服飾  美容化妝  自助餐  百貨公司  機票  開倉  嬰童  雜誌有禮  生日送禮  健康生活  生活小智慧

2016年7月23日

如何慳冷氣費? 4招風扇秘技

(資料來源:蘋果日報 04-07-2016


風扇係冷氣機好幫手,因開冷氣時冷空氣會向下沉集中地面,令間屋溫度唔平均,如果你吹唔正覺得唔夠凍,會再開大冷氣。其實,只要開風扇吹散啲冷氣,會凍啲,但知唔知風扇應該放喺咩位置?對正自己吹?想冷親咩!


風扇應該放喺冷氣同一邊,然後傾斜45度咁向住對角線,可以加強室內空氣循環,冷風傳送到每個角落。點解要吹向對角線?因為呢個係屋入面最長嘅直線距離,可以增長風扇嘅送風距離,加大空氣循環。


真係唔想開冷氣,仲有一個方法,唔係開風扇向自己,啱啱相反,將風扇放喺打開嘅窗前,吹向窗外,利用「負壓」將室內熱氣送出,引入新鮮空氣。


瞓覺時開風扇,如果床下底唔係密封,可以喺床尾放一把風扇,向床底吹,空氣會經過床底再送到天花板。咁樣,唔會直接吹向自己,同時可以降低室溫。


雖然風扇都要用電,但開咗風扇,冷氣機可以較高啲溫度,根據台灣工業技術研究院模擬測試,冷氣溫度每提高攝氏一度,可以慳6%電力。而且,風扇用電大約30W至50W,但一部1.5匹冷氣機,每降低溫度2度,會增加電力消耗100W,嘥更多電。下次開咗冷氣都覺得熱,唔好較低溫度,試吓開風扇啦。