Nov 3, 2016

九巴遊學園(12/11)(現已免費索取入場券)


(11月12日)喺九龍灣車廠,再次舉行免費大型嘉年華,今次主題係《九巴遊學園》,仲特別請到九巴元朗足球隊嘅球星到場,同大家一齊踢波、簽名同影相。係唔係好想知點參加同攞飛呢?九巴專頁特別為各位粉絲預留5000張入場券,等大家有機會睇車廠、玩攤位遊戲同睇表演,過一個開心嘅周末下午!

攞飛方法好簡單,今日起親臨各九巴顧客服務中心,出示已like九巴Facebook專頁或已follow 九巴Instagram專頁(每人只限一次換領入場券機會) ,即可免費獲贈入場券2張(3歲以下小朋友無需入場券, 3歲及以上小朋友需要入場券),數量有限,先到先得,派完即止。

攞飛方法好簡單,今日起親臨各九巴顧客服務中心,出示已like九巴Facebook專頁或已follow 九巴Instagram專頁(每人只限一次換領入場券機會) ,即可免費獲贈入場券2張(3歲以下小朋友無需入場券, 3歲及以上小朋友需要入場券),數量有限,先到先得,派完即止。

11月3日早上9:20最新消息: 藍田、荃灣、美孚同沙田嘅九巴顧客服務中心已派晒飛, 想攞飛嘅朋友, 可以去尖沙咀、紅磡、屯門同天水圍嘅顧客服務中心, 想知地址

請睇:http://www.kmb.hk/tc/services/center.html

《九巴遊學園入場券贈粉絲》活動條款及細則:
  • 是次活動由九龍巴士(一九三三)有限公司主辦。
  • 參加者必須按照指示於指定日期及時間(2016年11月2日上午11時至2016年11月12日中午1時)內(除顧客服務中心午膳時間: 下午2時至3時 外),在九巴各大顧客服務中心,出示已like九巴Facebook專頁或已follow 之九巴Instagram專頁,便可免費獲得入場券2張,數量有限,先到先得,派完即止。
  • 每人只限一次換領入場券機會(例:一個人擁有Facebook帳戶及Instagram帳戶, 也只限換領一次)。如發現任何蓄意以空號或假帳戶換領,領獎資格將被取消。
  • 本活動與Facebook/Instagram不相關,並沒有由Facebook/Instagram贊助、支持或管理。本活動參加者披露個人資料的對象為主辦單位,而非 Facebook/Instagram。本活動之參加者應同意,不對 Facebook /Instagram追究任何因本活動所引起的糾紛。
  • 主辦單位將保留一切活動之最終決定權,包括但不限於此活動的條款及細則及其他安排,而不需另行通知,任何人不得異議。如有任何爭議,主辦單位保留最終決定權。