由葵青民政處、葵青區議會同青衣鄉事委員會合辦嘅「18區日夜都繽紛@葵青戲棚」將於12-14/4一連三日（星期五至日）喺青衣青綠街38號青衣體育會運動場舉行！
場內有超過40個特色攤位，售賣新穎同地道美食同手工藝品。場地亦設有別具特色嘅大型花牌同傳統由竹搭建嘅戲棚，慶賀日夜繽紛，同賀真君誕及天后誕！
活動啟動禮將於12/4下午6:30舉行，屆時將舉行花牌亮燈儀式、夜光龍及花式跳繩表演，為活動揭開序幕。活動期間，戲棚每日有唔同嘅表演項目，包括嘻哈說唱表演、歌唱表演、脫口秀及街舞大賽等！
葵青戲棚活動咁豐富，集美食、音樂、文化、市集於一身！活動首兩天更會同大家玩到晚上11點！
前往方法：可乘搭41A、41P、43、44號巴士，喺青衣市區普通科診所對出巴士站落車; 或乘搭機鐵線於青衣站下車，經C出口離開，然後沿青衣公園直行至青衣體育館旁
地點：青衣體育會運動場
日期：2024年4月12 (星期五)至14日 (星期日)
開放時間：12:00-23:00 (星期日只開放至 22:00)
表演時間：18:00-21:30(星期五) ／ 14:00-21:00 (星期六日)