（資料來源：明報 26-05-2011）
公務員事務局每年暑假都會請一大批暑期實習，等學生可以試吓喺政府部門工作嘅滋味，其中政制及內地事務局嘅內地事務聯絡辦公室請暑期實習，月薪同其他職位一樣，都係月薪7700元，對學生嚟講都算筍工一份。
不過呢份工最特別嘅係，講明因為工作需要，所以申請者必須要有回鄉證，雖然應該唔算歧視，但Emily就唔肯定有無人參加社運之後返唔到大陸，因而無得申請呢份工。
呢份負責為香港同內地合作進行研究、建立資料庫、為當局舉辦嘅活動提供支援嘅工，申請資格除咗要係永久居民之外，亦要係高級文憑、副學士等嘅全日制學生，有良好電腦應用知識，以及操流利廣東話、英文，仲要識得普通話，附註寫明要有回鄉證。
https://csboa1.csb.gov.hk/csboa/jve/JVE_001_zh.action