（資料來源：蘋果日報 26-01-2013）
全港唯一的露宿者免費飯堂於除夕夜關閉後，有熱心市民火速於網上大召集，自組義工隊出錢出力為露宿者送暖。他們來自五湖四海，當中包括影星洪金寶、茶餐廳東主、退休人士及學生，接力讓露宿者溫飽度歲。
黃昏五時許，人稱明哥的餐廳東主陳灼明，親自將兩箱裝滿各款飯餸的飯盒、幾箱支裝水和生果等，送到砵蘭街露宿者行動委員會的會址。明哥說得知委員會暫停服務後，擔心露宿者三餐不繼，便主動提出送飯盒，「一日送45至50盒飯，仲有飲品同水果。」
明哥捐贈的飯盒，原來影星洪金寶都有份贊助，「上年戚美珍同洪金寶嚟我舖頭拍《珍情品味》，之後洪金寶成日嚟探我，知我諗住幫貧苦大眾，就前後畀咗兩萬蚊我，叫我攞嚟幫人。」明哥說還有商家捐贈一百張棉被和一百件冷衫，通通交予他派給露宿者，「有能力就伸出援手，直至委員會服務重開為止。」
靚女公關：好陰功
義工隊召集人曹建業透過facebook召集了40多名義工，輪流到中心協助派飯和清潔場地，「天氣凍，派飯服務唔可以停，因為好多老友記每日只係得呢餐。早排有90幾人嚟食飯，好多老人家專登由大窩口同深水埗過嚟。」
這天有三名90後青年和一名女士來協助派飯，他們先將飯盒分類，然後讓在樓梯等候的人龍進內吃飯。不消10分鐘，四、五十個飯盒派完。首次參加派飯的靚女公關Avis感受至深：「好陰功呀，我從來唔覺得有選擇係咁幸福，露宿者想食乜根本冇得揀。」
在天橋底露宿的李伯，每天就只有這一餐飯︰「我每個月靠一千蚊生果金生活，日頭惟有執啲麵包食，夜晚就過嚟呢度食飯。」然而曹建業卻擔心服務難以維持下去，「好多義工要返工返學，未必成日抽到時間。」
而露宿者行動委員會董事曹德雪則希望，董事間能盡快達成共識重開中心︰「我哋仲有幾十萬剩喺度，加上咁多善長、政府同利希慎基金支持我哋，仲有林鄭月娥私人支持咗我哋十幾年，就算去英國做嘢，都繼續寄心意卡返嚟，咁多人支持，點解唔搞落去？」她希望農曆年前委員會能重開，為露宿者提供窩心的團年飯。
===============================
22元三餸飯益街坊
（資料來源：蘋果日報 26-01-2013）
在深水埗北河街經營茶餐廳的明哥，是街坊口中的大好人。他的食店出名「平靚正」，22元就可以買到一大碟有魚有肉有海鮮的三餸飯。食物價格遠遠落後通脹，明哥說深水埗多低下階層，不想加重他們負擔，「我寧願盡量減低成本，賺少啲，街坊好多攞綜援，一日得50蚊飯錢。」
街坊有困難，明哥不但請他們吃飯，又於2008年跟社區組織協會合作派飯票，「協會出15蚊，我出2蚊，街坊只要攞住飯飛畀5蚊，就可以有一盒三餸飯」。明哥還會每月最少一次向露宿者派免費飯，數量最少50盒，最多試過派了300盒，「多得市民同商家支持我派飯，上年政府派6,000蚊，佢哋捐出嚟贊助我派飯」。明哥希望街坊街里能同舟共濟，互相幫忙，自己開心，社區也更和諧。