「外判洗碗工，每月$20,000」都冇人吼？近年好多食肆都呻過洗碗工難招聘，但近日東涌馬灣新村附近出現洗碗工「筍工」街招，似乎都乏人問津，何解？突工隊明查暗訪，確認原來急聘洗碗工是東涌一菜館，老闆娘樊小姐大嘆請人難，遂索性把洗碗外判：「寧畀多幾千蚊都要外判，起碼我唔使擔心佢（洗碗工）休息又要搵人頂！」
食肆請唔到人洗碗都唔駛愁嘅，出路之一就是光顧近年新興的中央洗碗工場，像屯門一間開業僅三個半月的洗碗工場，憑每部價值30萬的洗碗機配合員工，接獲的洗碗生意現已增至每月十萬元，並打算明年再開新工場。老闆梁兆基認為，中央洗碗工場的好處是工作環境及時間較好，可方便女員工同時照顧家庭，認為中央洗碗將成潮流。