相信大家都有生痱滋嘅經驗，唔好睇佢細細粒，只要稍微觸碰到佢就已經痛到彈起！痱滋成因有好多，最普遍就係缺乏足夠時間休息，導致抵抗力降低，引發痱滋！但如果飲食缺乏維他命B雜同埋維他命C，口腔細胞生長減慢，口腔亦會容易有破損機會！想避免呢種痛楚，平日就要多啲留意你嘅飲食同埋生活習慣喇！
1. 動物肝臟：每星期吃可以食1至2 片動物肝臟，以補充維他命B雜，但記得肝臟所含嘅膽固醇較高，建議可放湯或與菜花同炒。
2. 紅米、麥皮：含豐富維他命B雜，如已患上痱滋，每日最好喺三餐之中食一碗紅米飯或兩碗麥皮。
3. 紫菜、海帶：每星期食一次含紫菜或海帶嘅食物，為身體提供足夠維他命B雜。你可用紫菜做壽司或以海帶煲湯。