=================
（資料來源：eGuideDog）
灶君跌落鑊——精神（蒸和精同音）
老婆擔遮——陰功（功和公同音）
老公潑扇——淒涼（淒和妻同音）
豉油撈飯——整色整水（形容人很造作）
盲公食湯丸——心中有數
問和尚借梳——多餘
和尚擔遮——無法無天（法和發同音）
單眼佬睇老婆——一眼睇曬
潮州佬拉二胡——自己顧自己（擬聲）
阿駝賣蝦米——大家都唔掂（因為阿駝和蝦米都是彎著腰的）
豉油辣椒醬——你想點就點（點和蘸同音）
豉油樽蓋——又鹹又濕（形容人好色）
鐵拐李踢足球—— 一腳踢（形容工作一個人全包了）
閻王殿大罷工——冇鬼用
神颱貓屎——神憎鬼厭
喃無佬跌落屎坑——無曬符
番薯跌落灶——該煨（這下死定了）
飛機打交——高鬥（高竇，形容人眼角高）
非洲和尚——黑人憎
風吹雞蛋殼——財散人安落
隔夜油炸鬼——冇曬火氣
閻羅王嫁女——揾鬼要
閻羅王招工——揾鬼黎做
海底石斑——好瘀（魚和瘀同音，意思是很糗）
黑白天鵝——日哦夜哦
黃皮樹了哥——唔熟唔食
火燒豬頭——熟口熟面
老公荷包——夫錢（膚淺）
冷巷擔竹竿——直出直入
麻布做龍袍——唔係果種料
屎坑關刀——文又唔得，武又唔得（文與聞同音，武與舞同音）
屎坑石頭——又臭又硬
甩頭筆——唔捨得（捨與寫同音）
十月芥菜——起心（形容女人對男人起愛意）
藤條燜豬肉——fit到漏油（擬聲，形容衣服等很配得上人）
蘿底橙——冇人要
狗上瓦桁——有條路（形容男女有染）
飛機火燭——燒雲（銷魂）
天堂尿壺——全神貫注
牛皮燈籠——點極唔明
冇耳茶煲——得把口（形容人只說不做）
冇毛雞打交——啖啖到肉（形容人打架打得狠）
投石落屎坑——激起公憤（糞）
護照照片——出洋相
濕水棉花——冇得彈（無可挑剔）
阿崩叫狗——越叫越走
賣魚佬——有聲氣（聲氣和腥氣同音。聲氣，消息也，指某事有成功的希望了）
賣鯇魚尾——搭嘴（搭訕的另一講法）
鹹蛋滾湯——心都實曬
紙紮公仔——有氣無神
老鼠尾生瘡——大曬有限（形容人的權力是有限的）
撒路溪錢——吸引死人（很吸引人）
市橋蠟燭——假細心（心和芯同音。 清末民初時期，番禺縣市橋鎮有間做蠟燭嘅作坊，老細冇良心，為咗慳成本賺多啲錢，竟然偷工減料、粗製濫造，執番啲人哋廢棄嘅舊棉胎、爛棉衲，用啲污舊嘅棉絮搓成較粗嘅棉繩，嚟做蠟燭嘅芯。為咗掩人耳目，露出蠟燭頭點火嘅一小段燭芯，就用又白又幼細嘅靚棉紗嚟做。顧客一見，哇，芯細蠟多噃，你又買我又買。點知返去點著用嘅時候，先至知道畀人揾笨。）
豆腐佬擔梯——成左例（典出封建時代的科舉考試，那時廣州府城學宮是府試放榜的地方，學宮旁有一間豆腐店，有一次，貼榜人忘了帶梯子。名登榜首的剛好是豆腐店老闆的本家，所以這老闆欣然扛梯子前來幫忙，從此以後成了慣例，每次放榜，官方都要豆腐店老闆扛梯，故有此說。）
洗腳不唔抹腳——係咁fing（甩）
七個銅錢分兩份——唔三唔四
平洲奶媽——賺個肚
棺材頂燒炮仗——嚇死人
鐵木真打仔——大汗耷細汗（耷意思是打人）
阿茂整餅——冇果樣整果樣（沒那種款式偏要做那種款式，形容多此一舉）
水瓜打狗——唔見緊桷（意同肉包子打狗）
年三十晚謝灶——好做唔做（年三十晚灶君是要上天庭向玉帝告狀的，實在不應該多謝他）
灶頭抹布——鹹濕（鹹濕，下流也，鹹濕佬即是下流坯子色情狂的意思）
壽星公吊頸——嫌命長
陳年中草藥——發爛渣
細佬哥剃頭——就快就快（快了快了）
肥佬著笠衫——幾大就幾大（笠，套起來，笠衫，套起來穿的衣服，其實就是T卹，幾大就幾大，放手一搏）
屎忽窿生瘡——冇眼睇（屎忽窿，屁眼也，睇，看也。冇眼睇，不想看下去了）
瓦簷獅子——叻到滿（再厲害也就是個裝飾）
跪地餵豬乸——睇錢份上（看錢份上忍受委屈）
床底破柴——撞曬大板（破柴即砍柴，碰大釘子了）
亞聾送殯——唔聽你支死人笛（聾子去送殯是聽不到哀樂的，死人在粵語中有語氣助詞的作用）
肥婆坐屎塔——tup tup冚（屎塔，馬桶，tup是形容詞，意思是結實，密實，牢固）
紙紮下巴——口輕輕（說的話沒分量，或輕易許諾不可靠）
鼎湖上素——好齋（鼎湖，廣東肇慶名勝）
火燒旗桿——長嘆（嘆和炭同音。字面的意思是火在旗桿上燒，人無可奈何，其實廣東話嘆在大多數時是享受，如嘆世界，長嘆也就是有很長的時間去享受）
雞食放光蟲——心知肚明（雞吃螢火蟲）
山草藥——噏得就噏（噏，講。講話不負責任，滿嘴跑火車）
番鬼佬月餅——悶極（moon cake）
斷柄鋤頭——冇揸拿（沒有把柄掌握，沒把握了）
貓兒洗面——係甘椅（意思一下）
神仙放屁——不同凡響
生蟲拐杖──靠唔住（靠不住）
水兵對水手──水鬥水（自己人打自己人)
隔年通勝──唔值錢（過期貨，不值錢）
幡桿燈籠──照遠唔照近（燈下黑。照，也指關照，有時指不會做人關照疏遠的人多過關照親近的人）
三元宮土地──錫身（相傳三元宮的土地神像是用錫鑄的，錫音在粵語中有愛惜的意思）
陸榮庭睇相──唔衰摞黎衰（1916年8月間，廣西軍閥陸榮廷任粵省督軍，並曾兼任兩廣巡閱使，權傾一時。一次心血來潮，穿上一身貧苦大眾的服裝，衣衫襤褸的走進算命館「睇相」，想試探一下睇相先生的眼力以取樂，卻被相士「小神仙」一語道破天機，說他「唔衰摞嚟衰」。意謂他本是個顯赫一方的大官，緣何扮成窮人模樣，不衰而偏要裝成衰樣。後來人們就把好好的事情而弄到衰壞的境地謂之"陸榮廷睇相"。）
年晚煎堆——人有我有（煎堆，廣東過年食品，舊時過年每家每戶必備）
廚房階磚——鹹濕
秀才手巾——包書（書與輸同音）
十月蔗頭——甜到尾
倒掛臘鴨——油嘴滑舌
打爛沙盆——問到篤（由於「璺」跟「問」語帶雙關，故後來一般將「璺」寫作「問」。因為沙盆破裂後，裂痕會一直到達底部，引申尋根問底的意思）
鄧穿石——陪襯嘅（伴郎又叫戥穿石。昔日農民把育成幼豬或中豬上墟集出售，豬在擔挑一端，另一端則找來相約重量的石頭，湊成擔子前後重量均勻，方便挑動，這石頭因此稱為「戥豬石」。在墟集，豬隻賣出了，那石頭也沒用了，大可捨棄不理，而這點與伴郎的作用相似。）
抬棺材甩褲——失禮死人（字面好理解，死在這裡也是加強性的助詞）
雷公劈豆腐——搵軟的來蝦（蝦意思是欺負，專挑軟弱的來欺負）
魚片粥——岩岩熟（岩岩，剛剛好剛剛好熟了）
火麒麟——周身癮（周身癮，某人渾身散發著王八之氣，很囂張很欠揍的樣子）
阿超著褲——局住黎（行不通的硬來）
阿崩養貓——轉性
阿蘭嫁阿瑞——大家累鬥累
隔年通勝——唔值錢
白雲山一擔泥——眼闊肚窄
倒掛臘鴨——油嘴滑舌
啞巴食黃蓮——有苦自己知（或有苦講唔出）
孔夫子搬家——全部輸（書）
秀才遇著兵——有理講不清
光棍佬教仔——便宜莫貪
財到光棍手——一去無回頭
丈二和尚——摸不著頭腦
禮義廉——無恥
棺材鋪拜神——想人死（字面意思）
周身刀——無張利（有很多技能，但沒一樣精通）
泥水佬開門口——過得自己過得人
偷雞唔到——蝕渣米（搵唔到著數仲蝕曬底）
泥菩薩過河——自身難保
冬前臘鴨——隻奶隻(一隻連一隻)
濕水欖核——兩頭唧
無掩雞籠——自出自入
白鱔上沙灘——唔死一身潺
賣魚佬沖涼——無聲氣
田雞過河——各有各遊
醉酒漢數街燈——不知幾盞
亞媽係女人——唔使講都知
蒙古大汗——忽必烈（被打到屁股開花）
蒸生瓜——神神地（神神地是指瓜未熟而不著牙）
無耳藤喼——靠託
海軍對水兵——水鬥水
飛機撞紙鳶——有咁啱就得咁啱
冷巷堦磚——陰濕
四張白紙畫個狗頭——好大嘅面子
阿駝行路——中中地（意為甘居中游）
阿陀瞓棺材——死都唔掂
茶瓜送飯——好人有限（意思是指茶瓜的性質平和，連病人也可食用）
無星稱——唔知斤兩
無鉤稱——得把聲（聲與星同音）
菠蘿雞——靠痴
沙灣何——有仔唔憂無老婆
無鼻佬戴眼鏡——你緊佢唔緊
枕頭木蝨——包咬頸
船頭尺——度水（問人拿錢）
太公分豬肉——人人有份
乾隆王契仔——週日清
生仔姑娘——話唔要又要
單料銅煲——一滾就熟
夜晚食青瓜——唔知頭定尾
烏雞啄烏豆——烏啄啄
炮仗頸——唔爆唔安落
屎坑三姑——易請難送
殯儀館大減價——抵死
落地沙蟬——粒聲唔出
阿崩吹簫——嘥氣
啲咑佬跌利是——白谷
鼻哥窿擔遮——避無可避（避與鼻同音，無與毛同音）
隔夜茶——賭（賭與倒同音）
繡花袋仔——人人啱
灶君上天──有果句講果句
排隊開大——倫敦（輪蹲）
紅番排隊去洗手間——語無倫次（羽毛輪廁）
如人飲水——冷暖自知
細規模洋服鋪——講一套做一套
黃腫腳——不消提
芋頭點糖——心淡
貼錯門神——面左左
黃蜂尾後針——最毒婦人心
砒霜浸辣椒——毒辣
剃刀門楣——出又刮入又刮
屁股生瘡——無眼睇
項羽請劉邦——存心不良
矮仔上樓梯——步步高昇
盲佬上樓——摩登
筲箕水瓢——滴水不存
閻羅皇做莊——鬼買
啞佬買棺材——死比你睇
吊頸鬼搽粉——死都要面
光棍佬教女——切莫蝕底
烏蠅嬲馬尾——一拍兩散
小蔥拌豆腐——一清二白
晨早放屁——朝氣勃勃
田雞過河——各有各
撐電燈杉──指天督地
城頭上跑馬──一味兜圈
毒蛇噴豬籠──嗮氣
神檯桔──陰乾
韭菜命──一長就割
狗仔坐轎──不識抬舉
金手指──督人背脊
賣布唔帶尺──存心不良（量）
羅漢請觀音──人多好擔當
潮州花燈——出雙入對
陳白沙使牛——請梗
陳村碼頭——逢渡（賭）必啱
茶樓搬家——另起爐灶
白鴿眼——附旺唔附衰
白糖炒苦瓜——同甘共苦
扁鼻佬戴眼鏡— —冇得頂
補鞋佬扯線——一拉就要到口
閻羅王探病——問你死未
豬紅屙黑屎——當場見功
茅根竹──借（蔗）水
水殼仔——唔浮得
幾日水浸老牛皮——泡唔開
死人燈籠──報大數
屎坑三姑──易請難送
麻布做龍袍——唔係個種料
買豬頭搭豬骨——大件夾抵食
曬菲林——唔見得光
番婆大肚──心懷鬼胎
周先生教書──有警轟
杉木靈牌──做唔得主
棚尾拉箱──暗中走人
交通燈──點紅點綠
墳前燒報紙——呃鬼
橋上倒涼茶——何(河)苦
太監磨柱－真係滑
一個人行曬仲隘窄———霸道
九曲橋散步———行彎路
了哥命———就食就屙
入冬生魚———詐死
三水佬食黃鱔——一碌一碌
三更出世———害死人（三更：亥時）
三個鼻哥窿———多一口氣
馬騮升官———唔係人咁品
叉燒滾湯———冇生肉
乞米佬食死蟹———隻隻好
無牙佬飲湯——無恥下流
閻王貼告示——鬼話連篇
烏雞啄烏豆——烏啄啄
茶瓜送飯——好人有限
斧頭劈牛屎——實入
爛氣球——吹你唔漲
二叔公排第幾——仲使問
托住屎窟吊頸——死穩陣
珠磯路尾——多餘（如）(注：珠磯路尾有一間「多如茶樓」)
阿嘣劏羊——呃都冇得呃
落雨收柴——通通擸晒
四方木加眼釘——踢都唔郁
水鬼尿——夠清
師姑尿——夠淡
跑馬射蚊鬚——中都幾難
滾水淥豬腸——兩頭縮
螞蟻戴住個荔枝殼——充大頭鬼
揸電筒入廁所——找死（屎）
八叔公整米粉——一個一個整
長洲婆賣菜——瓜多過菜
阿北閹雞——有心冇腎
水底屙尿——自己知
雞屎藤——又長又臭
長洲佬打老婆——睇腳
十二叔賣狗——冇得揀
龍船裝豬屎——又長又臭
大老倌上台——係威係勢
薯仔煲糖水——心淡
無檳榔咬唔出汁——事出有因
竹織鴨——無心肝
床下底踢毽——大家都咁高
神仙過鐵橋——包穩陣