溫馨提示：兒童遊戲室主要供4至9歲同身高唔超過142厘米嘅兒童免費使用。4歲以下嘅小朋友必須由家長或監護人陪同使用。每節容納人數有限，一般需要著襪進入，請遵守規則，愛護設施！
====================
保榮路體育館兒童遊戲室
全港第一大兒童遊戲室就喺上水保榮路體育館內，佔地接近4000呎！主題係「小小世界」，因地方夠大，有滑梯、攀爬障礙架等設施，最適合活潑小朋友放電。
遊戲室地點：
新界上水百和路19號
====================
北河街兒童遊戲室
一般兒童活動室都以海洋或者森林做主題，北河街兒童活動室就夠哂特別喇！以「糖果屋」做主題，仲有蛋糕造型小滑梯，好似進入童話世界咁，成個人都開心曬！
遊戲室地點：
九龍深水埗基隆街333號北河街市政大廈5樓
====================
香港單車館兒童遊戲室
香港單車館嘅內嘅兒童遊戲室以「極限運動」為主題，佔地約為2900呎，有越野車、賽道等，啱曬小小汽車迷。
遊戲室地點：
將軍澳寶康路105-107號
====================
圓洲角體育館兒童遊戲室
圓洲角兒童遊戲室以「森林」為設計主題，面積約3300呎。場內有樹屋和探險船，可愛有趣。另外仲有專為年紀較小幼兒設立嘅幼兒活動區，十分貼心安全。
遊戲室地點：
新界沙田銀城街35號
====================
調景嶺體育館兒童遊戲室
以「海洋世界」為主題嘅兒童活動室，最好玩之處在於搶眼嘅黃色潛水艇同充滿神秘感嘅樹屋探險。潛水艇顏色夠曬搶鏡，配合早前放出嘅親子影相小攻略，超適合假日打咭。
遊戲室地點：
將軍澳翠嶺路2號