而家去佐敦谷公園（九龍觀塘新清水灣道71號）同元朗公共圖書館出面嘅戶外空間（新界元朗馬田路52號元朗文化康樂大樓）就可以睇到1比1原大嘅機動恐龍，隻恐龍仲識發聲同郁㗎。呢兩隻博物館級嘅機動恐龍，結合先進嘅機械科技同古生物學家嘅豐富知識監製而成，準確度及像真度極高。兩隻恐龍會留到八月尾。
到元朗公共圖書館外面同機動劍龍打完卡，記住入埋去參加裏面嘅活動呀。兒童圖書館除咗有精選嘅恐龍嘅圖書之外，仲特別布置咗個好可愛嘅恐龍基地，小朋友而家仲可以加入恐龍蛋搜索隊，搵吓圖書館收埋咗幾多隻恐龍蛋，更隨時拎到紀念品！
