港台電視31 10月1日 9:30pm 播映國慶電影《長津湖》
電影改編自韓戰期間嘅長津湖戰役
韓戰期間，以美國為主嘅聯合國軍越過三八線後，爆發平壤—元山戰役。1950 年 9月，聯合國軍將戰線推進到慈江道，向中朝邊界鴨綠江邊進攻，中華人民共和國派出中國人民志願軍參戰，彭德懷任志願軍司令員兼政委，毛澤東之子毛岸英隨軍出征。
中美喺朝鮮長津湖交戰，冰天雪地下戰況激烈，因後勤補給嚴重匱乏，中國第 9 兵團有三個連嘅官兵喺執行埋伏任務時被活活凍死，遺體仍保持住準備戰鬥嘅姿勢，佢地後來被稱為「冰雕連」。另外，第 20 軍嘅 3 連連長楊根思喺彈盡糧絕嘅情況下，攬住炸藥包，同美軍同歸於盡！
呢套戰爭片由三位大導操刀：陳凱歌拍開場部分嘅文戲，徐克拍貼身肉搏戲，剩餘嘅戰爭戲份就由林超賢負責。演員陣容型男雲集，有吳京、易烊千璽、段奕宏、張涵予、朱亞文、李晨、胡軍、韓東君、黃軒等。
